Jowai, Lber 28: Ka Society for Urban & Rural Empowerment (SURE) Jowai, ka la pynlong ia ka training shaphang ka Intergrated farming ha kane ka 16 tarik bnai Lber, 2023 ha ka shnong Puriang kaba hap hapoh ka East Khasi Hills District.
Ïa kane ka Programme la kyrshan da ka Government of Meghalaya hapoh jong ka Voluntary Action Fund 2016-17 of East Khasi Hills District lyngba ka District Planning office East Khasi Hills.
Shwa ban sdang ïa ka training, la don ka jingïalang kaba rit, ha kaba la pynïaid ïa ka training da ka VO ka shnong Puriang kong Khamtilang Mylliemngap.
Hadien kane la pynïaid ïa ka training da ka kong Ilasiewdor Gashnga kaba trei kum Project Coordinator jong ka SURE.
Kala batai shaphang ka jingtreikam jong ka SURE haba ïadei bad ki project bapher bapher kiba ka SURE ka trei ha kylleng ki shnong ki ha hap hapoh ka Jaiñtia Hills District ki training kiba la ai halor ka Integrated Farming ka dei halor ka jingshna sboh kiba kynthup ka Vermi bad berkerly compost bad ruh ïa ka dawai khniang kaba ngi khot ka LAB (Lactic Acid Bacteria) bad IMO. (Indigenous Micro Organism).
Ïa ka training halor ka Integrated Training la ai jinghikai da u bah Habandajop Lyngdoh uba la long u Trainer jong ka SURE. ïaka Training la wan shim bynta da ki SHG members kiba dei ruh ki nongrep ha ka juh ka por.
Ki SHG hadien ba wai ka meeting ki pynpaw ka jingsngewnguh ba ka SURE kaba la pylong kum kane ka jait training ha kaba ki lah bor ban pyrshang na la ïing bad ruh kan ai jingmyntoi ïa ki kum ki nongrep.
