Nongpoh, Lber 03: Hadien 10 sngi ba u Mahbubul Hoque, u Chancellor ka University of Science and Technology, Meghalaya u la shah kem ha ki Pulit ka Asssam bad mynta ka sngi ka ïingbishar Gauhati High Court ka la ai jamin noh i¨a u halor ka Case 54/2025 ba la dep ban rejistar ha Patharkandi, Sribhumi. U Mahbubul Hoque u dang hap ban ap sa shi sngi na ka bynta ban bishar pat ïa kawei pat ka mukotduma 55/2025 kaba la rejistar pyrshah ïa u ba ka Ïingbishar kan shong bishar ha ka 4 tarik, Lber, 2025.
Na kane ka jingshah kem u Chancellor ka USTM, ka I¨ingbishar Gauhati High Court ka la dep ban shong bishar ha ka 28 tarik Rymphang, 2025 na ka jingpan jamin jong u bad mynta ka sngi la pynmih noh ïa ka rai ban ai jamin ïa u Mahbubul Hoque.
Na ka jingshahkem u Chancellor ka USTM ha ka 21 tarik u Rymphang, 2025 ha ki Pulit ka Assam, ki la i¨alam noh i¨a u sha Dispur Police Station na ka bynta ban tian bishar hakhmat ka ïingkashari ha Sribhumi District kaba la long ha ka 24 tarik, Rymphang, 2205 kata hadien ba la pyndep i¨a ka medical examination ha Karimganj Civil Hospital.
Shuh shuh, la ong ruh ha ka 25 tarik, Rymphang, 2025, ka ïingkashari ka la ai hukum ïa u Hoque bad kynthup ïa ki 5 ngut kiwei pat nonghikai kiba la shah kynnoh donkti ba kynthup ïa u Hiramani Saikia, u Bijoy Dutta, u Rezzak Ali, u Numaan Ahmed bad ïa u Imdadur Rahman ba hap ban set ha thanat Pulit na ka bynta ka jingtohkit kaba 4 sngi bad mynta ka sngi pat ka ïingbishar ka la ai jamin i¨a u Hoque bad ïa kitei kiwei ba la shah kem lang.
