Ai bor ka AICTE ban sdang ïa ka Civil bad Electrical Deploma course ha Polytechnic Williamnagar

Shillong, Jymmang 15 : Ka All India Council for Technical Education (AICTE) ka la ai bor ïa ka Polytechnic ha Williamnagar ba kan sdang ïa ka Diploma courses ha ka Civil Engineering bad Electrical Engineering.
ïa kane la pyntip da u Myntri Rangbah ka Jylla Conrad K Sangma haba thoh ha X bad ong ba ka jingpdiang ïa ka jingrung klas ki samla pule kan long mar 30 seat.
“Sngewkmen ban pyntip ba ka AICTE ka la ai ïa ka jingmynjur sha ka Williamnagar Polytechnic ba kan sdang ïa ka Diploma courses ha ka Civil Engineering bad Electrical Engineering, da ka jingpdiang rung klas ba mar 30 seat” thoh u CM ha X.
“Kane ka dei ka sienjam kaba kongsan shibun ha ka ban pynkhlaiñ ïa ka Technical Education ha ka thaiñ bad ban nang plie kham bun ki lad ïa ki samla jong ngi ba kin pynroi ïa ki sap, ban bteng ïa ki jingpule bad ban synñiang sha ka jingkiew bad ka roi ka par ka Jylla” ula ong.