Pynbna ka SAM ïa ka resol ki nongïashim bynta ka jylla ha ka 68th National Shooting Championship

SHILLONG, Kyllalyngkot 08: Ka Shooting Association of Meghalaya (SAM) ka sngewkmen ban pynbna ïa ki resol jong ki nongïakob siat suloi bad pistol ka jylla ha ka 68th National Shooting Championship Competitions ha Delhi, Bhopal.
Kane ka Championship ka la sdang naduh ka 11 tarik u Nohprah 2025 haduh 04 tarik Kyllalyngkot 2026).
Ha kane ka National Shooting Championship kaba 68 ba dang shen ka la sakhi ïa ka jingïashim bynta haduh 17,530 ngut ki nongsiat suloi kiba ïakhun ban jop takma ha ki jingïakop siat kum ha ka Rifle (7061 ngut), Pistol (9381 ngut) bad Shotgun (1088), kaba la pynkut ha ka 04 tarik u Kyllalyngkot 2026.
Ka kynhun jong ka jylla ka don 13 ngut ki nongïakop siat shynrang (7) bad kynthei (6) kiba la ïashim bynta ha ka ïakop Rifle bad Pistol.
Napdeng kine, 9 ngut ki nongsiat ki la shah pynbna kum ki ‘Renowned Shot’ da ka National Rifle Association of India, katba uwei (1) ula ïoh ban rung sha ka Trial ban wan, kaba pynpaw ïa ka kyrdan ïakhun kaba kham kiew bad ka jingjylliew jong ka sap hapoh ka prokram siat suloi jong ka jylla.
Ha ka kyrdan ïakop siat Pistol, ïa ka Meghalaya la mihkhmat da ki 11 ngut ki nongsiat, kiba kynthup ïa: 5 ngut Shynrang: bad 6 ngut Kynthei, ha kaba 5 ngut ki nongsiat ki la shah pynbna kum ki ‘Renowned Shot’ da ka National Rifle Association of India.
Ka Renowned Shot ka dei ka jingpynshisha kaba la ai da ka NRAI sha ki nongsiat kiba la siat palat ïa ka Minimum qualifying score kaba donkam.
Ka Renowned Shot ka dei ka kyrdan ba la pynshisha ba la ai da ka NRAI sha ki nongsiat kiba la siat palat ïa ka Minimum Qualifying score kaba donkam.
Ka jingïashim bynta kaba ïaryngkat jong ki nongïalehkai kynthei ha baroh ar ki kyrdan Rifle bad Pistol ka pynpaw ïa ka jingbteng jong ka synjuk ban ïashim bynta lang bad ban kyntiew ïa ki jingïalehkai ïakop siat jong ki kynthei ha ka jylla.
Kine ki long ki nongsiat ka jylla kiba la ïakhun ha ka ïakop siat suloi (Rifle): Hame Mylliempdah, Denny Kyrsian, Akash Sinha, Oykim Hek, S. Rebecca, Daaihun Iaiphniaw, Litina Aye.
Kine ki long ki nongsiat ka jylla kiba la ïakhun ha ka ïakop siat pistol: Mawdaker Marwein, Da I Labynta Ryntathiang, Manika Pasi, Shirley Mary Kahrbuli, Balarishisha Rani.
Kane ka long katkum ka kyrwoh na u Media Secretary ka Shooting association of Meghalaya, Bah Nicholas J.J. Nongkhlaw.