Jowai, Nohprah 15 : Ka Hynñiewtrep People Youth Front (HPYF) seng kmie, haka kyrwoh ba la phah da u President ka seng u ma E.J Law, ula ong ba ka seng ka ai khublei Christmas bad snem thymmai basuk bad bakmen ïa baroh ki khun jong ka bri u hynñiewtrep hynñiewskum bad ha ka Ri India hi baroh kawei.
Ka seng ka kitbok kitrwiang ïa baroh ki khun ki hajar ba kin ïoh ka met ka phad kaba koit ba khiah bad ka kamai kajih kaba biang. Ka seng ka kitbok kumjuh da kaba kyrmen ba ka Christmas bad u snem thymmai kin long ka jingkyrkhu ïa baroh lang.
To ai ba une u snem ba thymmai un long ka jingkyrkhu ïa baroh khamtam ïa ka ri bad ka jaitbynriew ba kan ïoh ban pynthymmai ïa la ki jingmut jingpyrkhat na ka bynta ka lawei ba phyrnai ryngkat ki jingkyrkhu na u Trai kynrad na jrong, pynkut ka kyrwoh na ka seng.
