Ïakynduh ki nongïashim bynta ba la jied na ka Creative Mind na ka bynta ka ‘Make the World Wear Khadi’ Challenge

Da ka Dhanalakshmi P.

Hadien ka jingjop kaba heh bha jong ka jingïakob ‘Make the World Wear Khadi’, ha kaba la don palat 750 ngut ki nongïashim bynta na kylleng ka pyrthei, la jied ïa ki nongïashim bynta kiba poi sha ka phainal. Ka kynhun bishar ba pawnam na ki kam pynbna bad ki kam saiñdur ka la bishar bniah ïa ki jingkyntiew kyrteng katkum ka jinglong tynrai, ka deriti, bad ka jingkhring ïa ka pyrthei.
Ki Kandidet ba la shah jied: Iman Sengupta & Soham Ghosh – Havas Worldwide India; Kartik Sankar & Madhumita Basu – 22feet Tribal; Kajal Tirlotkar – Interactive Avenues; Tanmay Raul & Mandar Mahadik -DDB Mudra Group; Akash Mejari & Kajol Jeswani – DDB Mudra Group.
Ïa ki lahduh yn sa pynbna ha ka World Audio Visual & Entertainment Summit (WAVES) ha u Jymmang 2025. Pyrkhat ban phong ïa ka jaiñ kaba ym tang ba ka long kaba itynnad hynrei ka ïathuh ruh ïa ka jingïathuh khana jong ka jinglaitluid, ka jinglong ba neh, bad ka jingktah ha ka pyrthei. Kata ka dei ka Khadi – ka jaiñ ba pawnam jong ka ri India! Balei mynta ngi ïakren shaphang ka Khadi? Hato dei namar ba ka dei ka por lyiur kaba shit, bad kaei kawei pat ka jaiñ kaba lah ban ai jingtngen ïa ka sniehdoh bad ka jingkoit jingkhiah lait na ka Khadi? Hooid, ka long kumta. Hynrei kawei pat ka daw kaba kongsan ban wanrah ïa kane ka jingïakren ka long ban kyrmen ba phi la ïohsngew ïa ka jingïakhun “Make the World Wear Khadi” – kawei na ki 32 tylli ki jingïakhun Create in India ba la pynlong kum shi bynta jong ka jingïalang plie paidbah ïa ka World Audio Visual & Entertainment Summit (WAVES), ka ban sdang naduh 1 haduh 4 tarik Jymmang 2025 ha Mumbai.
Kane kam dei tang kawei pat ka campaign. Ka jingïakop ka long kham palat ban ïa ka sienjam. Ka dei ka jingthmu ha kaba ki jingmut jingpyrkhat kiba thymmai na kylleng ka pyrthei ki ïakhun ban pynkylla ïa ka Khadi na ka jaiñ tynrai sha ka nuksa ïa ka pyrthei lyngba ka jingsaiñdur digital jong ki, ka jingïathuh khana ha ki social media, lane ki jingmut ba ïadei bad ka jingpynbna. Ka sienjam ka ïarap ïa ki nongsaiñdur kylleng ka pyrthei ban buh ïa ka muhor jingsaiñdur jong ki ha kaei kaei kaba phylla. Ka Create in India Challenge, bad khamtam eh ka bynta Make the World Wear Khadi, ka ailad ïa ki riewshemphang kiba thymmai ban pynwandur thymmai ïa ka rukom ba ka pyrthei ka ïohi ïa ka Khadi. Da kaba pynïasoh lang ïa ka deiriti jong ka India bad ka jingpynwandur ba thymmai, ki nongïashim bynta ki lah ban ïarap ban pynskhem ïa ka Khadi kum ka bor shna dur kaba khlaiñ ha ka pyrthei kaba pyni ïa ki jinglong ba mynta.
Da palat 750 ngut ki nongïashim bynta kiba la pynrung kyrteng na ka bynta ka jingïakhun ‘Make the World Wear Khadi’, na ka ri India bad na kylleng ka pyrthei, la pynkhreh ïa ka rynsan na ka bynta ka jingsaiñdur thymmai kaba pyni ïa ka mynsiem ba thymmai jong ka India ha ka pyrthei. La ai ka bynta ïa ki nongïashim bynta ban thaw ïa kawei ka jingsaiñdur ba la shon, kawei ka jingbuh shabar, bad kawei ka jingpynmih digital/social media. La plie ïa ka jingpynrung kyrteng ha ka 27 tarik u Kyllalyngkot, ka jingjied ka la long ha u bnai Lber, bad ïa ka thup ba khatduh jong ki kyrtong ba la jied la pynbna hynnin ka sngi. Ka kynhun bishar ba pawnam, kaba kynthup ïa ki riew pawkhmat na ki kam pynbna bad ki kam saiñdur, ka la bishar bniah ïa ki jingai jingmut katkum ka jinglong tynrai, ka deriti, ka jingkhring ïa ka pyrthei, bad ka jingïahap bad ka jingthmu jong ka jingïakob. Ki kyrtong ba la shah jied ki la pawnam na ka bynta ka jingshemphang jong ki, ka jingïathuhkhana kaba khlaiñ, bad ka jinglah ban wanrah ïa ka jingïakren ha ka pyrthei sawdong shaphang ka khadi.
Baroh ki don san ngut ki kandidet kiba la shah jied: Iman Sengupta &Soham Ghosh – Havas Worldwide India; Kartik Sankar & Madhumita Basu – 22 feet Tribal; Kajal Tirlotkar – Interactive Avenues; Tanmay Raul & Mandar Mahadik – DDB Mudra Group; Akash Mejari & Kajol Jeswani – DDB Mudra Group.
Ïa ki lahduh yn sa pynbna ha ka WAVES Summit ha u Jymmang 2025
Khadi: Ka jinglong ba itynnad jong ka rukom riam ba lah ban pynneh pynsah.
Ka Khadi kam dei tang kaba la hyndai; ka dei ka lawei jong ka riam ka beit kaba lah ban ïaineh. Kaba la shna da ka kti, kaba ïadei bad ka mariang, bad kaba la shna da ka jingieid, ka Khadi ka pyni ïa baroh kaba ki Gen Z bad ki spah snem ki don ka jingsngew, ka jingshisha, ka jingïaineh, bad ki jingjied kiba don jingbah khlieh. Nalor kata, la shna da ki nongtrei kti, kaba pynkupbor ïa ki nongshong shnong katba ki tyngkai ruh ïa ka mariang.
Hynrei ka Khadi kam dei tang shaphang ka jinglong jong ka jaiñ, ka dei ka jingkhih. Ka Khadi kaba la seng tynrai ha ka jingïakhun ban ïoh ïa ka jinglaitluid jong ka India, ka la kylla long ka dak jong ka jinglah ban kyrshan dalade bad ka jingpynkup bor ha ka por jong ka jingïakhih ban ïoh ïa ka jinglaitluid ba la ïalam da u Mahatma Gandhi. Mynta, ka dei ka jaiñ kaba lah ban neh, kaba la shna da ka kti, bad kaba ïadei bad ka mariang kaba dang ïai bteng ban pynkupbor ïa ki nongtrei kti, khamtam ha ki nongkyndong jong ka ri India, katba ka dang noh synñiang ha ka jingïakhun pyrshah ïa ka jingshah ki rukom riam ba mynta ïa ka mariang.
Da ka jingkhot jong u Myntri Rangbah duh Modi bun snem mynshuwa na ka bynta ban shna ïa ki mar kiba don “ka jingduna, ka jingktah,” ka Khadi ka ïahap bha bad ki rukom treikam jong ka kiba ïadei bad ka mariang bad ka jingpynmih kaba lah ban ïaineh, kaba pynkhlaiñ ïa ka bynta jong ka ha ka jingkylla ha ka pyrthei sha ka rukom riam kaba don jingbahkhlieh. Ka sienjam “Make in India” jong ka sorkar ka don ruh ka bynta kaba kongsan ha kaba pynthikna ba ki mar khadi kin ïahap bad ki kyndon jong ka pyrthei.
Kumba la ong, “Ngim hiar pateng ïa ka khyndew na ki kpa tymmen, ngi shim kylliang na ki khun ki ksiew.” Kane ka jingsngew ka ïahap bha bad ki jingngeit jong ka Khadi, ka jaiñ kaba lah ban ïaineh, kaba pyrkhat ïa ka mariang kaba pynïasoh ïa ngi bad ka mynnor jong ngi katba ka ïada ïa ka pyrthei na ka bynta ki pateng ban wan.
Katba ka pyrthei ka dang bteng ban pdiang ïa ki rukom treikam kiba lah ban pynneh pynsah, kiba ïadei bad ka mariang, ka jaka jong ka Khadi ha ka pyrthei ka kham shai ban ïa mynshuwa. Kane ka jaiñ kam dei tang ka jingsah jingkynmaw jong ka por ba la leit noh hynrei ka long ka jingshai na ka bynta ka lawei. Naduh ka jingshna kti jong ki nongshna na ki jaka nongkyndong haduh ka jingkhring ïa ka pyrthei namar jong ka jaiñ jong ka kaba ïaineh, ka Khadi ka la pynkhreh ban batai biang ïa kaei kaba mut ban long kaba itynnad bad kaba neh ha ka pyrthei mynta.
Ka bynta jong ka KVIC bad ki sienjam jong ka sorkar
Ha ka mat kaba kongsan jong ka jingmihpat jong ka Khadi ka don ka jingkitkhlieh jong ka Khadi and Village Industries Commission (KVIC). Kum ka nodal agency na ka bynta ban kyntiew ïa ka Khadi, ka KVIC ka kyrshan ïa ka jingpynkupbor ïa ki nongtrei kti na ka thaiñ da kaba pynsuk ïa ka jinglah ban ïoh ïa ka jinghikai pyntbit, ka jingkyrshan pisa, bad ka jingpynpaw pyrthei ha ki ïew ki hat. Lyngba ki sienjam bad ki prokram ba la kyrshan da ka sorkar, ka KVIC ka la pynthikna ba ka Khadi kam dei tang ban pynneh ïa ka riti dustur kaba riewspah jong ka hynrei kan nang kiew ban pyndap ïa ki jingdawa jong ka ïew jaiñ jong ka pyrthei mynta.
Ka WAVES Summit kam dei tang kawei pat ka jingïalang; ka dei ka jaka na ka bynta ka jingsaiñdur jong ka pyrthei. Pyrkhat ïa ka kum ka jaka pdeng na ka bynta ka kam media bad jingpynbyrngia, ryngkat bad ki workshop, ki jingïakop, bad ki lad ban ïakynduh bad ki nongïalam jong ka kam naduh ka jingpynbna khubor, gaming, digital media, bad kiwei kiwei. Ïa ka jingïakob ‘Make the World Wear Khadi’ la saiñdur khnang ban wanrah ïa ki jingmut kiba thymmai, kiba shlur shakhmat na kylleng ka pyrthei, kaba ai mynsiem ïa ka jingstad kaba lah ban pynlong wat ïa ka pyrthei ban phong Khadi.
Katba ngi dang ap khmih lynti ïa ka jingpynbna ïa ki nongjop ha ka WAVES 2025, ka jingïakob ka kular ban pynpaw ïa ki lad ki lynti kiba thymmai ban kyntiew ïa ka Khadi kum ka mar kaba mynta, kaba don jingangnud, bad kaba lah ban neh bad ka jingkmen katei ïa kaei ka ban sa wan.
Ka Nongthoh kadei ka Media & Communication Officer ha ka PIB Mumbai.