Srinagar, Ïaiong 12 : Ka kynhun ba ïakhun pyrshah ïa u drok ha Kashmir ba tip kum ka Anti-Narcotics Task Force (ANTF) ha ka sngi Saitjain ka la phah hikai pyntbit ïa ki ksew kiba la jied kyrpang na ka bynta ba kin lah ban ïakhun pyrshah ïa u drok ha katei ka jylla, ong ki pulit.
La ïathuh ba ïa kine ki ksew yn hikai pyntbit ïa ki khnang ba kin lah ban sma bad buddien ïa u drok bad kane kan ïarap haduh katta katta ïa ka tnad ha ka jingïakhun ban lap bad kem ïa kiba donkti ha ki kam khaii drok beain.
Kine ki ksew ba la hikai pyntbit bha yn buh ïa ki ha ki jaka ba long pdeng bha kynthup ha ki checkpoint, ki airport, ki khappud bad ruh ha ki por ba don ka jingkhynra,’ ong ki pulit.
Kaneka sienjam ka long ban pyni ïa ka thong jong ka ANTF ban rat dyngkhong syndon ïa ka jingjyllei u drok bad ruh ban wallam ïa ka suk ka sain ha ka thain kaban lait na u drok.
