Nongpoh, Jymmang 30: Ki nongïalam ka Ri Bhoi Student Union mynta ka sngi kila pynskhem bad pynthymmai biang ïaki nongkitkam ba pura jong ka RBSU Nongpoh Circle hadien ba ka samoi treikam jong ki nongkitkam barim kala kut noh ha ka jingïalang kaba la long mynta ka sngi ha Nongpoh.
Ki nongkitkam ba thymmai ka RBSU Nongpoh Circle bala jied thymmai ki kynthup ïa u Bah Yogesh Nongrum kum u President, Steven Stolin Nongrum Vice President, Gabriel Makri Secretary, Banasar Lyngdoh Nonglait Finance Secretary, HN Marbaniang Publicity Secretary, Gideon Makri Sports Secretary, Jeremaiah Nongkhlaw Education Secretary, Sakhaius Kurbah Office Secretary bad kiwei kiwei bala pynskhem da u Bah Everjoy Nongpluh President ba rangbah jong ka seng ryngkat ka jingdon lang jong kiwei kiwei ki dkhot ka seng.
Naka liang u Bah Everjoy Nongpluh haba kren ha katei ka sngi u la pynpaw ka jingsngewkmen kaba khraw ban iohi ba kitei ki samla ki don ka jingkitkhlieh ban pynïasoh bad ka seng naka bynta ban dang kyntiew ïa ka dong ka thaiñ ban dang trei bad shakri naka bynta ka ri bad ka jaitbynriew.
