Shillong, Naiwieng, 26: Kum ka jinglam lynti ban kyrshan ïa ki long kmie ha ka seng kam seng jam ba ki lah ban ieng hala ki jong ki kjat, ka rynsan ban kyntiew ïa ki long kmie ba kin seng ïa la ki kam ki jam ïa kaba la pynrung hapoh ka Niti Aayog, da ka jingïatreilang bad ka MakeMyTrip, ki pynbna ban plie paidbah ïa ka “Project Maitri”. Kane ka dei ka jingpyrshang kaba kham kyrpang bala mang beit tang ïa ki kynthei jong ka thaiñ Shatei Lammihngi ka ri India da kaba ailad ba kin shim ïa ka ram ban seng kam ban shna ïa ki iing sah basa, kum ka lynti pdeng ban seng kam seng jam, kim kiew ha ka ïoh ka kot bad ba kin long kiba lah ban shaniah ha lade ha ka kam.
Ïa kane ka skhim la pyllait paidbah ha ka Dorjee Khandu State Convention Center ha nongbah Itanagar, ha ka jingïalang ‘Enabling Women-Led Development in Arunachal’ ha kaba u Myntri Rangbah ka jylla Arunachal Pradesh, u Pema Khandu u la long u Kongsan.
Ka skhim Maitri ka dei ka rukom pyrkhat ban pynïaid shakhmat bad kane ka jingprat lynti kaba la pynwan dur ha kata ka rukom ban aibor bad ban pynshlur ban shna ïa ki iing sah Basa ha baroh kawei ka thaiñ Shatei Lammihngi ka ri India.
Kum shibynta jong kane ka skhim, kin don ki ban shah jied kyrpang ban shah ai jinghikai ba kyrpang kiba ïahap bad ka kam kaba ki seng katkum ka jingdonkam jong ki ha ka kam kaba seng. Kane ka jinghikai kan kynthup ïa ki bun ki bynta ki kam pyntbit kyrpang, kum ki hap ban trai jong ki iing basa, ka jingshngaiñ, ka jingpynïaid ïew katkum kane ka juk ban pynïaid ïaid ïew kaba ki khot ka Digital Marketing, bad ban pynurlong ïa kata. Ban bynrap ïa kata, ki lai tylli kiba paw kiba pynïaid ïa ki iing sah basa yn ithuh ïa ki bad kin ïoh ïa ka khusnam, kin don shuh shuh ki jingïarap ban kyrshan ha kane ka bynta.
Haba kren ïa phang ki kam pynroi, ka Anna Roy, Mission Director, WEP, ka ong, “kine ki skhim ki kdew shai ha kano ka rukom bn kyntiew ïa ki longkmie ha ka seng kam seng kam, da kaba pynwan ryntih ryngkat bd ka thong jong ka sorkar pdeng ban pynïaryngkat ha ka trei kam ktah bad ha ka liang ka kamai kajih lyngba ki kam pynroi. Kane kan ïarap ha ki por ki bn dang wan ruh, da kaba buh ïa ki iing sah basa ha ri India bad kane kan kylla long kawei na ki kam ki jam kiba kiew bha na ka bynta ki kynthei kiba ïaleh ban ieng ha la ki jong ki kjot ban kiew ha ka ïoh kot.”
U Rajesh Magow, u ba don bynta ban seng lang bad u dei u khlieh ba ïalam ïa ka, MakeMyTrip u ong, “ngi ngeit ha ka jingkylla jong ka bor ha ka leit ka wan, lyngba kane ka skhim, ngi khmih lynti ba kan plie ïa kane ka bor na na ka bynta ki kynthei ki ban long trrai ïa ki iing sah basa. Ngi sngew sarong ban ïa trei lang bad ka kane ka kam ban kyntiew ïa ki kynthei ban seng kam seng jam bad khmih lynti ba nangne sha khmat kane ka jingprat lynti ïa ki kynthei ban seng ïa ki kam ki jam kan dang kiew rasong ha kane ka Ri India kaba don ïa ka lad ban dang kiew ha kane ka kam shang shuwari.”
Ka WEP, ïa kaba la kynthup ha ka NITI Aayog, bad mynta la pyntrei kam hapdeng ka Sorkar bad ki riewshimet ka dei kawei ka jaka ba kin ïoh ïa ka jingtip kiba ki kynthei kin ïoh ïa ka jingtip bad ka jingbatai ha kaba ïa dei bad ki kynthei ban seng kam seng jam, kane ka ai jingtip ha bun bah ki phang kynthuplang ruh ïa ka jingïanujor da kaba pynshong nongrim na ki skhim ka sorkar bad ka jingsdang ki riew shimet, la pynshong nongrim ha ka jingtip, ka jaka ban ïa tip kum ka rynsan paidbah, ka jingïarap ban kum ka jingbtin lynti bad ka jingkyntiew ha ki liang baroh. Lyngba kane ka jingtreilang bad ka MakeMyTrip kaba dei ka wei na ki karkhna bala paw, ka WEP ka pynsaphriang bad ïa leh ban wanrah ïa kata ka jingïatreilang ka ban ïa hap dur bad ki kynthei ha ka seng kam seng kam ba kin kiew shakhmat.
Ïa ki aplikeshon na ka bynta ban wanrah ka jingkylla ha kane ka program kan sdang ha ka 13 tarik u bnai ban sa wan lyngba ka website jong ka WEP.
