Nongpoh, Nailur 18: Palat 10 tylli ki sñiang naduh kiba rit haduh kiba la heh kila ïap ha kawei ka jaka ri sñiang jong ka Nangku Chaphrang Multi-Purpose Co-operative Society Ltd kaba don haka shnong Saiden ha Ri-Bhoi.
Naka liang ki nongïalam jong katei ka Society kila pynpaw ba ki sñiang jong ki kila kem pang mynta la kumba shi taiew eiei, hynrei hapeng ka jingshitom kitei ki sñiang kila ïap kynsan, bala wanrah ka jingduhnong kaba khraw ïa ki nongri ïa kitei ki sñiang bad hadien ka jingïap kynsan jong kitei ki sñiang kite ki nongïalam kila pyntip mar mar sha ki doctor ka tnad Veterinary ban leh ïa kaba donkam bad ban ïada ruh na ka jingïa bit sha kiwei pat ki sñiang kiba dang im.
Naka liang ki nongtrei ka tnad Veterinary ruh mar mar kila leit sha katei ka jaka ban leit synreit dawai ïa katei ka sem bad kumjuh ruh ban post mortem ïa kitei ki sñiang kiba la ïap bad naka liang ka tnad Veterinary kila shim ruh ïaki nuksa bad dang ap ïaka kaiphod halor katei ka jingïap ki sñiang.
