Ba ktah ïa ki mobile por ba charge lympat ka bording, ïap u rangbah mynsaw ka longkmie armet

Tura, Naitung 11: Uwei u rangbah ula iap hashen bad kawei ka longkmie pat ka dang ïaksaid ïa la ka jngim namar ka jingmynsaw kaba jur hadien ka jingshah lympat bording ha ka thaiñ Purakhasia, West Garo Hills ha ka Sngi U Blei.
Kane ka jingjia ka la jia ha ka shnong Chengrapara, kaba hap hapoh ka Dalu Civil Sub-Division.
Une u rangbah uba iap u kyrteng u Bryan Donseng M Marak bad kane ka Longkmie ka kyrteng ka Epsil N Marak. Kine ki arngut ki dang ïa charge ïa la ki mobile phone ha la ki jong ki ïing bad ki la kum ktah ïa la ki phone ba sa shah lympat ha ka bording.
Lah ïathuh ba ha kane ka por kala don ruh ka jingpom pyrkhat bad jingtied leilieh.
Katba u Bryan ula iap hashen na ka jingbat bording, ka Epsil pat kaba dang pun 8 bnai ïa la i Khun, ka la iapler bad kyllon ha madan ha ka por ba shah bat ka bording. La pynkit mar mar ïa ka sha Tura ban ïoh ïa ka jingsumar.