Shillong, Naitung :Ka Entre-preneurship Development Cell (EDC) Shillong College ha ryngkat ka jingïatreilang bad ka PRIME Meghalaya ki la pynlong ïa ka prokram aijinghikai ba 5 sngi kynthih halor ka mat ‘Introductory on Soft Skills’ shibynta jong ki jingai jinghikai ba la bei tyngka da ka PRIME, Meghalaya na ka bynta ban wanrah ïa ka Entrepre neurship Promotion and Development Programs (EPDP) & Incubators ha Shillong College.
Kane ka jingai jinghikai na ka bynta ki samla pule ba l mih noh jong ka 6th Semester ka Shillong College ka thmu ban aibor ïa ki samla pule ha kaba ïadei bad ki rukom treikam bad ba kin lah ban pynleit jingmut na ka bynta ban seng kam lajong.
ïa kane ka prokram la plie ha ka 3 tarik mynta u bnai hapoh Conference Hall, Shillong College. Katba ïa ka jingialang pynkup na ka bynta ki samla pule kiba la pyndep ïa ka jingai jinghikai la pynlong ha ka 10 tarik mynta u bnai hapoh ka Conference Room jong ka Principal.
Ha kane ka sngi la ïa don lang ruh u Aditya Sen, Programme Head, PRIME Meghalaya kum u Kongsan ha ryngkat ka jingïadon lang ka Principal jong ka College, I Dr (Mrs.) E. Kharkongor, Bah B. Syiem, Vice Principal, Kong E.N Dkhar, Vice Principal (Professional Course),Bah Jeff Rani, Programme Coordinator, PRIME Meghalaya, ki dkhot ka EDC, Facilitators na ka Hundredfold Academy nalor baroh ki samla pule kiba la pynrung kyrteng.
Ha kane ka jingïalang la ïoh ka jingkren na ka Principal ka college I Dr (Mrs.) E. Kharkongor i ba la pynpaw halor ka jingdon-kam ban kyntiew ïa ki kam ajinghikai ha kane ka pyrthei jong ka jingïa ïareng bad kdew ruh halor ki jingmyntoi na kiba kum kine ki jingai jinghikai khamtam ha kaba ïadei bad ka liang jong ka sengkam seng jam.
ïa kane ka prokram ai jinghikai kaba san sngi la pynbit pynbiang bad aijing hikai da u Bah Sunny Mawlong uba dei u MD bad i Kong Evarihun Warjri Director jong ka Hundredfold Academy.
