Shillong, Naiwieng 30 : Ka Meghalaya ka la rem da khyndai wicket ha ka Karnataka ha ka lympung ïalehkai U-25 Men State A Trophy ba pynïaid da ka BCCI ha ka jingïalehkai ha ka sngi ba ar ha Mohali, Punjab.
Ka Karnataka kaba la jop ïa ka jingkynting pisa ka la kam ban kawang bol nyngkong ha kaba ka la lah ban pynhap lut baroh ki wicket jong ka Meghalaya tang ha ki 31 over kaba kamai tang 82 ron. Ka Karnataka haba beh ïa ka ron ka la lah ban pyndep ha ki 10.2 over bad duh tang sh wicket.
Kiba la kamai ron na bynta ka Meghalaya ki kynthu u Kevin Christopher (13) bad u Md Asif Khan (22) skiba la kamai ron lang da 36 ron hynrei ha ka jingduh noh ïa ki hynñiew wicket ka Meghalaya ka kamai tang 35 ron.
Haba beh ïa katei ka thong, u Lokesh Turaha u la shah pynhap wicket da ka run out bad dei tang ma u marwei ba ka Karnataka ka la duh wicket bad ka la lah ban jop da kaba suk.
Ka Meghalaya kan ïakhun khatduh pyrshah ïa ka Kerala ha ka 1 tarik Nohprah.
