Jowai, Nailur 30: Ka lympung ïalehkai phutbol jong ka kyrdan “Super Division” bad ka 1st Division League 2026 bala pynïaid daka East Jaiñtia Hills District Football Association (EJHDFA) kaba la long mynta ka sngi 30 tarik Nailur ha madan Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” ka kynhun ïalehkai jong ka Sutnga SSCC kala jop da tang 1-0 kol ïaka Thangskai Tiger SC, bad ïa katei ka shikol la thep da u Kamkhosat Hoikip (30’).
Katba haka jingïakhun jong ka Thomas Nongtdu Memorial Trophy haka kyrdan First Division League 2026 hapdeng ka Sutnga Mission SSCC pyrshah ïaka Bataw YWSC ka la kut ha ka jingïakhaid da mar 2-2 kol. Ka Sutnga Mission ka la pynkhihjar lyngba u Ahe to Swa (54’) bad u Flowerson Pala (71’), katba u Iengskhem Suchiang (20’) bad u Close Suchiang (60’) ki la thep na ka bynta ka Bataw YWSC.
