Pynphai lut ki Pulit Assam ïaki kali ban rung sha Meghalaya ha Jorabat, hadien ka jingjia ha Mukroh

Nongpoh, Naiwieng 22: Tang hadien ka jingjia shah siat ïap kumba 5 ngut ha Mukroh West Jaintia Hills kaba la wanrah ruh ka jingmynsaw jong katto katne ngut ki paidbah hynne ka step, ki pulit jong ka Assam mynta ka sngi kila khang lut ïa baroh ki kali kiba na Assam wat ki kali kamai ban rung sha Meghalaya naduh Jorabat ban lait na kano kano ka jingjia sngewsih kaba lah ban mih na katei ka jingshah siat iap ki paidbah ha ki pulit Assam.
Katei ka jingkhang jong ki pulit ka Assam ha Jorabat ïaki paidbah ban rung shaka jylla Meghalaya ka dei namar ba kim kwah ban mih kano kano ka huri hura bad ïa mynta kin khang shuwa shipor na bynta ka jingshngaiñ jong ki nongleit nongwan ki bym dei naka jylla Meghalaya ban lait na kano kano ka jingjia ba sngewsih tad haduh ban da pynbna pat da kum wei.
Naka liang u Nonglum khubor u la ioh ruh ban ïakren bad katto katne ngut ki nongñiah kali tourist kiba ju leit ju wan man ka sngi ha kaba kila pynpaw ba kila shah khang noh haki pulit ban rung shaka jylla Meghalaya kaba long ka jingduhnong kaba khraw kaba la ktah shibun ïaka kamai jong ki.
Kila pynpaw ruh ba lada kata ka jingjia ka jia sha kawei ka jaka kim dei pat ban khang ïaki nongleit nongwan, hynrei ka sorkar Meghalay bad Assam ka dei ban shimkhia ïa katei ka jingjia khnang ba kan nym ktah ïaka leit ka wan jong ki paidbah.