Da ka jingdeng lama ïong lashai ka sngi 23 tarik halor ka jingshah siat ïap ki 5 ngut ha Mukroh: KSU

Jowai, Naiwieng 22: U Vice President ka Khasi Student Union (KSU) u samla Biangbor Paliar ha ka jingïakren bad ki lad pathai khubor ula ong ba ka seng kan pynlong da ka jingïakhih deng lama ïong ha baroh ki Head Quarter jong ka bri u hynñiewtrep ka ban long lashai ka ngi 23 tarik u Naiwieng halor ka jingshah siat ïap ki san ngut ki nongshong shnong ka Mukroh ha ki pulit Assam.
Kane ka jingïakhih deng lama ïong lashai ka sngi kaba dei ka sngi lehñiam jong ka seng kutsnem, bad hadein ka 23 tarik ka seng kin sa shim da kiwei pat ki sien jam kiba tyngeh.
Na ka liang ka seng ka dawa jur ïa sorkar ban kan pynshitom tyngeh ïa kiba donkti ha kane ka kam pynïap breiw da kaba thep ïa ki ha ki kyndon aiñ pynïap briew bad ban dawa na ka sorkar ban kan pynïoh ïa ka hok na ka bynta kitei ki briew jong ka jylla kiba la duh noh ïa ka jingim
Ka seng kala pyrem jur ïa ka sorkar halor kane ka jingshah siat ïap ki para doh parasnam, kum ka seng kaba ju peit ïa ka bha ka miat jong ki para doh parasnam naduh ki 10, 15 snem mynshwa bad ka seng kala dep ban dawa na ka sokar ban wanrah ïa ka police Out post ha ki thaiñ khappud.
Kaba sngewsih ka long hadien ba u Myntri ka kam pohiing ula wan hiar sha shnong Mukroh halor kane ka jingjia ula pynbna pynbna ban plie ïa ka Police Out Post ha shnong Barato, u ong balei ka sorkar ka ap da ki bun bun snem ban plie ïa ka police Out Post ne ka ap haduh ban da wan kum kine ki jingjia ïa umsnam.