U Bah Dasakhiat u la wanrah shibun ki kam pynroi ha Mawhati

0

Nongpoh, Naiwieng 22: Namar ki jingshah kynthoh kiba mih na kiba bun ki liang halor ka jingshah kynthoh jong u MLA ka Mawhati u Bah Dasakhiatbha Lamare ba um shym la leh eiei naka bynta ka Mawhati Constituency, ki nongïalam ka party NPP ha Mawhati kila mih shakhmat ban pynshai halor katei ka jingshah kynnoh bad kynthoh jong u MLA ka Mawhati u ba long ruh u Myntri ka sorkar jylla, bad kam ruh kadei tang ka jingïalam bakla bad pynsngewthuh bakla sha ki paidbah, hynrei u Bah Dasakhiat u la leh shibun ki kam naka bynta ka Mawhati Constituency.
Haba pynshai halor ki kam kiba u Dasakhiatbha u la lah ban leh, kitei ki nongïalam ka NPP Mawhati, kiba kynthup ïa u Bah Donbok Kharnaior, Secretary ka NPP bad u Bah RM Mukhim, ki la ong ba u MLA Mawhati, u la lah ban lehbha eh, ha kaba tang ki surok PMGSY u la lah ban wanrah haduh 13 tylli, nangta sa ka surok na Umsniang sha Sonidan kaba don ïa ka jing jngai kumba 40KM, kumjuh ruh ka surok na Liarbang sha Mawlasnai bad ka ban sa pynïasoh shaduh Jingkieng Umkhen, ki surok ki ban pyntrei noh shen, bad lada kheiñ tang ha ki surok, ka jingpynmang tyngka, ka la kot sha ka T. 300 klur tam.
Nalor ki kam kaba u la leh bha ban wanrah ïaki surok, kitei ki nongïalam ka NPP, ki la ong ruh ba u Dasakhiatbha Lamare, u la lah ban wanrah ïa shibun ki kam pynroi, la ka long halor ki jaka pule, ki jaka sumar, nangta ki skim pynroi kiba dei na ka PHE, Water Resources, ka jingpyntrei hok ïa ki skhim SRWP, ka jingwanrah ïa ki skim pynroi lyngba ka tnat ïalehkai, ki skhim sha ki shnong khappud bad khamtam eh ka jinglah jong u ban sam tip sha ki 5000 tam ki longing baduk hapoh katei ka Constituency.

Leave A Reply

Your email address will not be published.