Nongstoiñ, Naiwieng, 17: Ka Federation of Khasi Jaiñtia & Garo People West Khasi Hill District, ka la ïoh ban pynlong ïa ka programme ban pynskhem ïa ki Nongïalam ba thymmai jong ka FKJGP Mawthadraishan Circle ha Dorbar Hall Nongshillong. Ha kane ka jingïalang la pynïaid da u General Secretary FKJGP West Khasi Hill u bah Wilis Walker Syiem bad la ïoh ban pynkup burom ïa ki nongïalam ba la shong thait jong ka Mawthadraishan Circle da u Chief Organiser FKJGP Sengkmie u bah Khrawkupar Nongsiej. Nangta la ïoh ban pyntian smai ïa ki nongïalam ba thymmai jong ka Mawthadraishan Circle da u Vice President FKJGP Sengkmie u bah Kitboklang Nongphlang.
Ki Nongïalam ba thymmai jong ka fkjgp Mawthadraishan Circle ki long u President bah Firstborn John Marngar, Vice President u bah Michael Marweiñ, General secretary u bah Silenstar Kharbani bad kiwei kiwei. Ha katei ka sngi 12 tarik la ïa donlang ki riew rangbah jong ka thaiñ Mawthad-raishan,
Haba ai jingkren hadien ba la pyntian smai, u bah Kitboklang Nongphlang u la batai ïa ka lynti treikam jong ka seng bad u la ong ruh ba haba don bad ka FKJGP, dei ban kynmaw bha ba ka jinglong nongïalam wat nym kheiñ dew thala ïa ka, namar ka dei ka khyrnit ba kyntang tam jong ka jaidbynriew.
U la ong ruh ba ki shnong ki thaw ki shaniah ha ki dkhot ka seng ïa ka synshar ka khaddar, kumta dei ban long ki nongïalam ba shlur ba ïaineh bad len lade na ka bynta ka daw bah jong ka jaitbynriew ba mynta bad ha ka pateng ka ban sa kha, ong u bah Kitborlang Nongphlang Vice President FKJGP CEC.
Ha kawei pat ka bynta jong ka khubor ka seng, ka Federation of Khasi Jaiñtia and Garo People Rimuliang Circle ka pynpaw ka jingsngew kmen haba ïoh jingtip ba na ka liang ka Sorkar Meghalaya, kan plie sa ïa ka Rimuliang Block. Kane ka dei ka mat kaba kum ka seng ka ai jingïaroh bad pyrto da shisha ïa kane ka Sorkar kaba mynta kaba la ïohi jngai ban wan rah sa ïa ka Rimuliang block.
“Kum ka seng haba ngi ïoh pdiang ïa ka block, ngi dei hok ban pdiang ïa ka da kaba kmen, ka jingkyntu ïa ki nongïalam shnong ki seng samla shnong ki para seng bha lang ka long ba ngin ïa tylli lang kawei ban ym don kano kano ka jingwit ne ka huri hura, khamtam ba na ka liang ka Sorkar kan sa buh ïa u mawnongrim jong ka C&RD Block ha ka 22/11/2022”, ong u President bah Rusfulson Wanniang.
“Ha kabae ïa dei bad ka jaka ban sa tei ïa ka parmanent office Building jong ka Block, na ka liang ka seng ngim don kano kano ka jingujor, namar ïa kane ka kam kan shong eh ha ka Sorkar bad ki bor shynshar shnong bor bad ki bor shynshar Hima ha ka thaiñ, hynrei tangba kan dei ka Block hapoh ka thaiñ Ri muliang”, u la ban biang.
“Ka jingai Block ha ka thaiñ kam dei ka jingïohnong ne jingmyntoi jong kano kano ka kynhun ne ka seng saiñ pyrthei jongno jongno, hynrei kan dei ka jingmyntoi ïa u duk u suk bad ki paidbah ha ka dong ka thaiñ hi baroh kawei”, u la pynkut.
