Jowai, Nailar 18 : Ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium Dongmihsngi Jowai.
Haba phai sha ka jingïakhun mynta ka sngi 18 tarik ka kynhun ïalehkai jong ka 7-Wasa United kala lah ban pynliem da 3-0 kol ïa ka Ladthadlaboh. Ïa kitei ki kol la thep da u Niponghi Sumer ha ka minit ba 69, kawei ka (own goal) ha ka minit ba 83 bad ïa ka kol ba lai la thep ha ka minit 85 da u Sucrip Manar.
Ka jingïakhun lashai ka sngi 19 tarik u Nailar kan long hapdeng ka Khimusniang pyrshah ïa ka Shangpung Lumiawmusiang haka por 3 baje janmiet.
