Kynduh DC ki ar seng ba dang duh klas ki khynnah yn shim jingïalang ha ka 16 tarik

Jowai, Nailar 09: Ka Jaiñtia Student Movement (JSM) Western Region bad ka Jaiñtia Youth Federation (JYF) Jowai Circle hynnin ka sngi ki lah leit ban kynduh ïa u Deputy Commissioner ka West Jaiñtia Hill District ban pynsngew ïaka jingeh jong ki khynnah kiba dang duh class haduh mynta.
Na ka liang ki 2 seng kila dawa na u DC ban wad ki lad ki lynti ban pynïoh class biang ïa kine ki khynnah kiba duh class namar haduh mynta katkum ka jingkheiñ ba lah ïoh lum na ka bynta ki Class XI (11) ki don haduh 91 ngut ki bym pat ïoh klas namar ngi dang ap haduh mynta bad ki ha ka B.A ki don haduh kumba 15 ngut eiei.
Ki nongïalam jong ki ar seng hadien ka jingïakren bad utei u khlieh duh ka District naka liang jong u ula khot ïaka jinglang ba kyrkieh hynnin hi ka sngi kata naduh ka DSEO bad ki Pricipal ka Kiang Nangbah, Govt Boys bad ka Govt Girls Higher Secondary School.
Hadien kane na ka liang jong u DC ula ai jingtip sha ki 2 seng ba ka ophis kan sa jurip bha ïa ka Details jong ki khynnah kiba dang duh class kiba la dep ban submit ïa ki application bad ïaka rai ban pynïoh class ïaki khynnah kan sa don biang ka jingïalang (meeting) haka 16 tarik August 2022 ha office treikam u Deputy Commissioner, pynkut ka kyrwoh na kitei ki ar seng.