Nongpoh, Nailar 09: Ki pulit jong ka Ri-Bhoi District kila thwet ban lapdien ïa uwei u rangbah bala tip kyrteng kum u Lassing Kharkylliang naka shnong Sohliya ha Ri-Bhoi u ba la jah klep naduh ka 28 tarik Lber 2020 ryngkat bad ka kawei ka Bolero Pick-up jong kawei ka longkmie naka shnong Mawtari Myrdon.
Katkum ka kyrwoh naki pulit la ïathuh ba katei ka longkmie kaba la tip kyrteng kum ka Ranisha Kyrsian kaba dei ka nongshong shnong jong ka Mawtari Myrdon ha Ri-Bhoi kala ujor da ka ejahar hadien ba u tei u rangbah u la shim ïa katei ka Bolero Pick Up kaba don ïa u number ML 10 C 4619 da ka jingthmu ban kamai hynrei naduh katei ka sngi u khlem wanphai shuh bad ym tip shuh shaei u jah ryngkat bad katei ka kali.
Halor katei ka bynta naka liang katei ka longkmie kala ujor ruh da ka ejahar ha Umsning Police Outpost naka bynta ban lapdien ïa utei u briew bad katei ka kali.
