Nongpoh, Nailar 06: Ha kawei ka jingjia twa khyndew bad maw mynta ka sngi ki maw kila twa bad hap ha surok bah National Highway ha ka shnong Shangbangla hadien ka jingther u lapbah ba jur bala neh kumba katto katne kynta, kaba wanrah ruh ka jingdheng kali kumba katto katne por namar ka jingkah ïaka surok bah National Highway 6.
Kane ka jingjia kala jia hynne ka step kumba 4 baje eiei, ha kaba ki paidbah kiba sah marjan kila ïathuh ba ki maw ki hap bad twa kynsan sha surok hadien bala ther u lapbah bad donbok ba ha katei ka jingjia ym shym don kano kano ka jingjia ba sngewsih bad ki paidbah ba leit ba wan na utei u surok ki lait thaw naka jingmynsaw.
Ki pulit ka Nongpoh kiba la poi ruh ha katei ka ja ka kila hap ban pynïaid noh ïaki kali tang na shilliang jong ka surok namar ka jingkah jong ki maw, bad naka liang ki bor ka NHAI kila sdang ban weng ïaka khyndew bad ki maw ba hap ha surok
