Jowai, Risaw 27: Ka lympung ïalehkai phutbol jong ka 6th Kyrmen Shylla Contribution Trophy League Stage 2026 jong ka kyrdan “Super Division” bala pynïaid daka East Jaiñtia Hills District Football Association (EJHDFA) kaba la long mynta ka sngi 27 tarik Risaw ha madan Artificial Diengshynrum, Khliehriat.
Haba phai sha ka jingïakhun ba nyngkong ka Diengshynrum SC kala jop da 3-2 kol ïaka Sutnga SSCC, ïa ki kol na ka Diengshynrum SC la thep da u Rumi Lyngdoh haka minit ba 26 & 65 bad u Shining Marbaniang haka minit ba 48. Ïa ki ar kol na ka Sutnga SSCC la thep da u Alwinson Bareh haka minit ba 81 lyngba ka (Penalty) bad u Ker Syrti haka minit ba 88.
Katba haka jingïakhun kaba ar ka Thangskai Tiger SC kala jop da 2-1 kol ïaka Byndihati CSC, ïa ki kol naka Thangskai Tiger SC la kum thep bakla (OG) da u Robert Lapasam haka minit ba 16 bad u Bobbyson Nongtdu haka minit ba 83 (Penalty). Katba ïa ka kol naka Byndihati CSC la thep da u Philemon Dkhar haka minit ba 41.
Lah ban kdew hangne ba ha ka jingïakhun kaba long ha ka sngi Nyngkong, ka 26tarik mynta u bnai ka ka kynhun Chiehruphi SYWSC kala jop da 5-0 kol ïaka R.Skhenshynriah SC, ïa kitei ki kol na ka Chiehruphi SYWSC la thep da u Wanrilangki Lamare haka minit ba 26, u Regency Lapasam haka minit ba 54, u Meshwa Lapasam haka minit ba 69 & 81 bad u Wanshanme Bareh haka minit ba 71.
Katba haka jingïakhun kaba ar ka Wahiajer Narpuh SSC ka la jop da 1-0 kol ïaka Shilliang Umshong SC, ïa katei ka shikol na ka Wahiajer Narpuh SSC la thep da u Francis Sumer haka minit ba 5.
