Shillong, Risaw 27 : U Myntri Rangbah ka Jylla, u Conrad K. Sangma, ha ka sngi Nyngkong u la pyntip ba ka Ministry of Development of North Eastern Region (DoNER) ka la kular ban kyrshan lang ïa ka jylla kaba pynkhreh mynta ban pynlong ïa ka lympung ïalehkai kaba heh tam ha ka Ri ba la tip kum ka 39th National Games ha Meghalaya.
“U Myntri Sorkar Pdeng ba dei khmih ïa ka DoNER, u Jyotiraditya M. Scindia, u la pynïaid ïa ka jingïalang ban ïakren halor ka jingïatreilang bad ka Ministry of DoNER na ka bynta ka 39th National Games kaban long ha Meghalaya,” ong u Myntri Rangbah ha ka rynsan social media.
Ha kajuh ka por u la Myntri Rangbah u la pynpaw ruh ka jingsngewnguh halor kane ka sienjam, da kaba ong, “Nga ai khublei ïa ka jingkyrshan jong u, khamtam ha kane ka por ba ngi pynkhreh ban pynlong ïa kane ka lympung kum ka jinglehkmen jong ka Meghalaya ban pyni ïa ka sap ïalehkai bad ka jingriewspah jong ka kolshor ba ka jylla ka don kynthup lang ïa ki jylla ba don marjan ha ka thain shatei lam-mihmihngi jong ka Ri.”
