Shillong, Risaw 18: Ka St. Joseph’s Church Mawkhar ka la pynlong ïa ka 2nd Phase jong ka Jubilee Marathon 2026 kum shibynta na ka jingrakhe ïa ka jingdap ba 75 snem jong ka Parish bad ïa kane ka Marathon la pynïaid da ka Programme, ka Sports bad ka Cultural Committee.
Ïa kane ka marathon la pynlong ha ka step sngi Saitjaiñ (17 tarik Risaw) ha ka por 6 baje mynstep na phyllaw jong ka Ïingmane. La wan ban plie bad kaweh lama shuwa ban sdang ïa ka jingmareh da u Bah Mariahom Kharkrang, uba long uwei na ki riew Rangbah ba pawkhmat jong ka Parish.
Ïa kane ka Jubilee Marathon la pynlong ha ki kyrdan bapher bapher, ba kynthup ïa ka Category A Kynthei, Category A Shynrang, Category B & C Kynthei bad ka Category B & C Shynrang.
Ha kane ka sngi la sam ruh ïa ki syrnod ïashim bynta ïa baroh kiba la shimbynta ha kane ka Jubilee Marathon bad la sam ruh da ki medal bad certificate sha baroh ki nongjop ha kane ka sngi da ki kongsan bad kiba la shah khot sngewbha.
Kane ka jingpynlong ïa ka Marathon ka long ruh ban pynshlur ïa ki khynnah, ki samla bad ïa baroh ba kidei ban ong em ïa u drok bad ïa ka jingpang AIDS bad HIV ki jingpang kiba la kynrei ha kane ka jylla.“Ïa kane ka jingmareh Marathon la pynïaid lyngba ki house bapher bapher bad la pynkut ruh hapoh phyllaw jong ka Parish Mawkhar.
