Ngi la pyrshang, bad ngi la leh katba lah ban pynïatylli ïa ki seng riew lum… ha ka kyrteng jong ka RDA: Tongkhar
Shillong, Risaw 19: Lai ngut ki nongthaw aiñ na ka United Democratic Party (UDP) ki la ïasoh bad ka National People’s Party (NPP) kaba don ha ka liang synshar, ha kaba u MLA ba rangbah u Bah Renikton L. Tongkhar u la kdew ïa ka jingbym lah jong ki jingpyrshang ba la dep ban pynïatylli ïa ki seng riewlum kum ka daw bah kaba la pynlong ïa kane ka sienjam.
U bah Tongkhar uba mih khmat ïa ka Mawkyrwat u la ïadon lang bad u bah Paul Lyngdoh na West Shillong bad u bah Nujorki Sungoh na Mowkaiaw ha kane ka jingpyniasoh lang.Kine ki lai ngut ki nongthaw aiñ ki la ïakynduh ïa u Lamphang ka ïing dorbar u Thomas A. Sangma ha ka sngi Nyngkong ha Shillong hadien katei ka rai.
U bah Tongkhar u la ong ba wat hapdeng ka jingpyrshang ban pyniasoh lang ïa ki seng riew lum hapoh ka Regional Democratic Alliance (RDA) hynrei kim shym la lah satia ban pynurlong ïa ka jingthmu jong ki.U la kynthoh ba ka NPP ka tyrwa ïa ka rynsan kaba pyniasoh lang ïa ka jingithuh ïa ka ri bad ka jinglong nongialam kaba don tynrai ha ka thain.
“Ngi la pyrshang, bad ngi la leh katba lah ban pynïatylli ïa ki seng riew lum… ha ka kyrteng jong ka RDA, ngi la pyrshang katba lah, hynrei phi la ïohi ruh ba ngi la khlem lah.Kumta, dei na kata ka daw ba ngi la ïohi ba lada ngi kwah shisha ban pynkhlain ïa ka seng saiñ pyrthei jong ngi, kaba dei ka seng ba la ïalam da ki briew jong ngi, tang kawei ka lad bad ka kabu kaba don bad kata ka dei ka NPP,” ong ka Bah Tongkhar.
Shuh shuh u la bynrap, “Bad nga sngew sarong ban ong ba ka NPP, ka dei ka seng-ka National Party kaba don ïa ka jingithuh kum ka National Party, hynrei la ïalam da ki briew jong ngi naduh hangne, bad nga sngew sarong haduh katta katta ïa ka.”
Ka jingpyniasoh ka don ka jingktah ïa ka jingkhlain jong ka UDP ha ka ïing dorbar thawain ka jylla Meghalaya bad ïa ka kyrdan jong ka NPP kaba synshar ha ka sain pyrthei jong ka jylla.
Da kaba ki lai ngut ki nongthaw aiñ ki la leit sha ka NPP, ka jingdon jong ka UDP ka la nang duna sha uwei u MLA, ha ka Ïingdorbar kaba don 60 ngut ki dkhot.