Shillong, Nailur 26: La mih ka jingpynbna na ka bynta ki paidbah kiba la shah bthah ba ka jingpyndonkam ïa ki kali ki dei ban pyn kynthup bad ka kyndon jong ka aiñ Motor Vehicles Act, 1988, ka Central Motor Vehicles Rules bad kiwei kiwei ki aiñ ba la buh.
Ki pulit kila hukum ban buh tang ka RTO kaba la dep pdiang da ka High Security Registration Plates (HSRP) katkum ka kyndon ba la buh halor ka jingpyn itynnad ïa ki nombar plate.
Ki dei ban pynsangeh ban buh ïa ki jingtem ba sawa, ki tyndong ba pynmih ïa ka jingsawa jam bad ki horn ba palat pud ka jingsawa kaba long ka jingthut ïa ki paidbah bad kaba pynmih bun rukom ki jingsawa.
Ym bit ban pynkylla bad pynsniew ïa ka dur bad ka jingheh (ka pyriang, ka jngai bad jingheh, bad ka jingjrong) jong ka kali khlem ka jingbit jingbiang kaba dei, khamtam ba la ïohi ha ki kali, kaba long ka jingpyrshah ïa ka kyndon jong ka section 52 ka Motor Vehicles Act, 1988 bad Rule 93 jong ka Central Motor Vehicles Rules, 1989.
Kiwei kiwei pat ki jingpynkhein ki kynthup ïa ka jingtah iit iong iaki kali kaba palat iaka jingioh jingbit, ka jingpyndait ia ki light ba khlain ka jingshai bad ka jingpyndonkam ia ki shaka ba heh, ki taiar kali kiba mih shabar jong ka kali kiba long ka jingpyrshah ba jur.
Ym dei ban niah kali haba la dih ia ki jingdih ba pynbuaid bad kiwei kiwei ki jingdih ba pynbuaid kiba long ka jingpynkhein pyrshah ia ka suk ka sain ka surok kaba lam sha ka jingtakhuh kali.
Yn shimkhia mar mar ia kane lada don mano mano ba pynkhein pyrshah lada lap ba don ba niah kali ha ka rukom kaba ma bad thurmur bad pynkhein ia ka kyndon jong ka jingpyniaid kali.
Ki trai kali lane ki nongñiah ki dei ban pynthikna ba dei ban pynbiang ïa ki kot ki sla ba biang bad pyni ha ka por ba don ka jingjurip lada donkam.
Kine ki kynthup, katba lah kum ka laisen niah kali ba biang, Registration Certificate (RC); Valid Motor Vehicle Insurance Policy; Fitness Certificate bad ka Permit bad ka Pollution Under Control (PUC) Certificate ba biang pura.
La pynmih ia kane ka jingpynbna ia ki paidbah ba yn sa don ka jingchecking naduh ka 10/Risaw/2026 ter ter khnang ban don ka shongsuk shongsaiñ ha ka jingpynïaid kali.
Katba ki nongpynkhein kyndon kin shah dain kuna, shah bat ki kali, jingpynsangeh bad sospon ia ki kot ki sla bad ki laisen bad kiwei kiwei kiba iadei bad ki kyndon katkum ka jingai jingbit ka ain. Ki trai kali bad ki nongniah kila ïoh ka jingkyrpad ba kin bud ryntih ïa ki rule ki kyndon jong ka jingpynïaid kali.
