Shillong, Nailur 25: Ka Voice of the People Party (VPP) ka la pynpaw ia ka jingsngewkhia halor ka jingpynbna jong ka sorkar kaba 23 tarik u Nailur 2026, da kaba bthah ba baroh ki bank (Public Sector Banks) bad ki Regional Rural Banks ba kin dei ban plie ha ka sngi Sunday, ka 27 tarik, kaba dei ruh ka sngi ba ïakhih ki bank ha ka ri baroh kawei ka ban sdang naduh ka 28 tarik haduh ka 30 tarik mynta u bnai.
Halor kane na ka liang ka Party ka la pynpaw ka jingpyrshah ïa kum kane ka rai bad ong ba kane ka kam kaba ym sngewlah ban pdiang.
“Ka Sunday ka dei ka sngi kaba hap ban shong thait bad kyrpang ïa ka Meghalaya bad ka North-East, kaba dei ka sngi ban mane Blei kyrpang ïa ki kynhun Khristan. Ka VPP namar kata ka ngeit ba kum kane ka rai ka donkam ban pyrkhat biang bad na ka liang ka Party ka kyntu ïa ka sorkar pdeng ban pyrkhat biang ïa kane ka rai kaba long na ka bynta ka hok jong ki paidbah,” ong ka kyrwoh ba la phah da u nongaiktien ka seng u Dr. A. W. Rani.
