Dawa ka PSM ban buh ICG ha surok Jowai – Dawki khnang ban ïada na ka jingrung be-aiñ ki nong Bangladesh

Jowai, Nailur 25: Ka Pnar Student Movement (PSM) Central Body ha ka jingïalam u President u E.Passah bad u General Secretary u W. Wann, hynnin ka sngi kila leit ban aiti da ka jingthoh ha u Deputy Commissioner bad ha u Superintendent of Police, West Jaiñtia Hills District ban dawa buh noh ïaka Infiltration Check Gate ban jurip ïa ka jingwan rung beaiñ ki nong Bangladesh shapoh ka West Jaiñtia Hills District lyngba u Surok Jowai Dawki hapoh ka Amlarem Civil Sub-Division.
Na ka liang ka seng kala ïoh ban ïakynduh ïa u DC ka West Jaiñtia u Abhinav Kumar Singh, IAS ha kaba la pynsngew ha u ïa ki jingeh halor ka jingïoh rung beaiñ ki nong Bangladesh napoh ka District lyngba ki jaka khappud, na ka liang u DC ula kular ban shimkhia ïa kane ka kam bad ban tehlakam katba lah.
Ha kane ka juh ka sngi ka seng kala ïoh lad ban leit sha SP ophis ka West Jaiñtia Hills District ban ïakren bad u Additional SP u Jason Myrom, MPS (Addl. SP) namar ba u SP um shem la don ha ophis. naka liang u Additional SP ula pynsngew bala dep ban phah sha ka sorkar ïa kane ka jingdawa ban don ïa ka Infiltration Check Gate ha ki jaka (area) jong ka Amlarem Civil Sub-Division, hynrei haduh mynta ka sorkar kam pat dep ban bun ïa ka check gate.