Shillong, Nailur 20: Ka Mylliem Lum SA ka la pynjemkhnap ïa ka Pohkseh da 5-0 ha kawei na ki jingïalehkai jong ka Group B ha ka lympung First Division 2026 jong ka Shillong Sports Association, ba la long ha ka sngi Saitjaiñ ha madan First Ground-SSA Stadium, Polo.
Ka kylla step ka la long kaba kham jaijai, ha kaba ka Mylliem Lum ka la lamkhmat da tang shi kol hynrei ka la wanphai da kaba tyngeh ban thep sa saw tylli ki kol ha ka kylla miet.
U Eliastar Nongsiej u la long u namtam da kaba thep hat-trick, ha kaba u la pynkhihjar ha ka minit kaba 4, 47 bad 55. Katba ki ar tylli kiwei pat ki kol la thep da u Fairly Nongkhlaw (54′) bad u Jospar Kurbah (60′).
Ka jingïakhun ha kane ka sngi Nyngkong kan long jong ka Group A hapdeng ka Nongthymmai SC pyrshah ïa ka Malki SC, ha ka por 12:15 baje mynsngi. Kane kan dei ka jingïakhun ba nyngkong jong ka Nongthymmai ha ka group stage, katba ka Malki ka la shah rem ha ka jingïalehkai ba sdang hakhmat ka Nongkrem.
