Jowai, Nailur 19: Ka Maskut bad Laru SC ki la jop ïa la ki jong ki jingïalehkai jong ka lympung phutbol (L) Joybell Suiam Memorial Football League haka kyrdan Second Division 2026 bala pynïaid da ka Thadlaskieñ Sport Association, ba la long ha ka sngi Saitjaiñ, 19 tarik u Nailur, 2026 ha madan Wahiajer Multi Sports Complex Stadium.
Na ka liang jong ka Maskut, kala lah ba kan pynliem noh da 3-1 ïaka Maitchaphrang FC ha ka jingïalehkai ba nyngkong. ïa kitei ki kol jong ka Maskut la thep da u Marlei Kharsati haka minit ba 3, u Nangai Ryngkhlem haka minit ba 57 bad u Phrangsngi Ryngkhlem haka minit ba 67. Ïa ka shikol na ka Maitchaphrang FC la thep da u Marle Muruh haka minit ba 27.
Nangta ka jingïakhun kaba ar ka Laru SC kala jop suk da 6-1 kol ïaka Niriang Pdienlum, ïa ki kol naka Laru SC la thep da u Steven Khriam haka minit ba 8 & 19, u Army Tamu haka minit ba 24 & 30 bad u Raplang Dkhar haka minit ba 41 & 49. Ïa ka shikol na ka Niriang Pdienlum la thep da u Blessing Suting haka minit ba 16.
La pyntip ka jingïakhun haka 21/09/2026 haka por 10 baje mynstep ka Iawthymblein SC pyrshah ïaka Umladang Shiparalok FC, haka por 12 baje mynsngi ka Modop FC pyrshah ïaka Rakabah Hunlang FC, katba haka por 2 baje janmiet ka Rising Sun Kdiap FC pyrshah ïaka Madur.
