Mairang, Nailur 17: Ha shuwa ba ka sorkar kan pyntrei kam ïa ka skhim ba thymmai kaba la tip kum ka draft Meghalaya State Agriculture Policy kaba kynthup ïa ki shiphew tylli ki kyndon bad artylli ki Anexture kiba don ha ki hynriewphew wei sla kiba dei na ka bynta ki paitbah nongrep hapoh ka jylla kaba la na ka bynta ba ki paitbah kin peit bniah bad ai jingmut.
Kumta ka kong Anita Kharpor IAS Deputy Commssioner ka Eastern West Khasi hills ka la pyntip sha ki paitbah ba katei ka policy ka dang don hapdeng jong ka jingkhmih bniah jong ka tnad ka rep ka riang (Agriculture) na ka bynta ban pynbeit ïa ki bynta kiba don kam ban pynbeit.
Ha kajuh ka por ka la kyntu ba lada don kino kino ki nongrep kiba kwah ban aijingmut ki lah ban phah ïa ki jingai jingmut jong ki ha kine ki website agri meg@govgovt.in / hortimeg@gov.in bad agridept2012@gmail.com.
Ha kajuh ka por ka la kyntu ïa kito kiba kwah ban ai jingmut ba ki dei ban kdew ruh ïa ka kyndon bad u number jong ka page ha shuwa ba kin submit bad ka tarik na ka bynta ban pynpoi ïa ki jingai jingmut kan long haduh ka 30 tarik Nailur 2026. .Ha kaba ïadei bad katei ka jingpyntip jong ka Deputy Commssioner na ka liang ki patbah ki dei ban shim khia bad ban ïatreilang bad ki bor pynïaid district khnag ba ka jingthmu jong ka sorkar ban pyntrei kam ïa katei ka skhim ba thymmai na ka bynta ban ai jingïarap ïa ki paitbah nongrep hapoh ka jylla kan long kaba ïaid beit ïaid ryntih bad ka long ruh ka jingmyntoi ïa ki paitbah nongrep.
Na ka bynta ban sngewthuh ïa ka jingeh ki nongrep ka Agriculture department Eastern West Khasi hills kan pynlong ïa ki prokram ba kyrpang na ka bynta ban ïamir jingmut bad ki kynhun bapher bapher kynthup ïa ki kynhun nongrep ki seng trei mon snmgewbha, ki nongsengkam la jong bad ki riew shemphang ha ka rep ka riang na kabynta ka jingmyntoi jong ki nongrep.
