Nongpoh, Nailur 11: Ka Dr. Joram Aniya kaba dei kawei naki dkhot jong ka NITI Aayog mynta ka sngi kala wan iuhkjat ha Ri-Bhoi District ban buddien ïaki kam pynroi bapher bapher ka sorkar pdeng kaba dei ruh ka Aspirational District haka jylla.
Na ka liang ka Dr. Joram ha ka jingdonlang ki ophisar ka district kala sdang da kaba leit jurip ïaka Ginger Processing Unit ha Bhoirymbong, ka Umroi Health and Wellness Centre, CMYC ha Saiden, bad kumjuh ruh ka skul EMRS ha Pahamsyiem bad ka Marngar PHWC.
Ka jingwan jurip ka long kum shi bynta ban bishar bñiah ïa ka jingpyntreikam bad ka jingkiew shaphrang jong ki skhim bad ki kam pynroi jong ka sorkar pdeng ha Ri-Bhoi.
