Shillong, Nailur 11: U Deputy Commissioner jong ka East Khasi Hills District u Abhilash Baranwal IAS, mynta ka sngi u la pynbna ban pyntreikam ïa ka rule, “The Noise Pollution (Regulations and Control) Rules, 2000 hapoh ki kyndon 5,7 bad 8.
Katkum kane ka jingpynbna kaba la pynmih mynta ka sngi u Deputy Commissioner ka East Khasi Hills District la bthah ïa ka Meghalaya State Pollution Control Board ban peit bniah ïa ki jingtem pynsaw ha GS Road bad ki jaka ïew kim dei ban palat ïa ki kyndon bad lada don dei ban pynshitom katkum ka aiñ ha ka kyndon kaba 15 jong ka Environment Protection Act, 1986 bad katkum ka The Noise Pollution (Regulations and Control) Rules, 2000.
Lada don kiba pynkheiñ ïa kitei ki kyndon yn pynshitom katkum ka kyndon 223 jong ka BNSS bad ka kyndon kaba 15 jong ka Envioirment Protection Act, 1986, ia kane ka hukum la pynjari naduh mynta ka sngi bad kane kan trei kam noh mardor.
U Deputy Commissioner u la ong ba la ïoh jingtip ba kila don shibun ki nongtem nongrwai ha ki rud lynti kiba la pyndon kam ïa ki tyngdong jingpynsawa kiba bun jaid bad kane kala pynmih ïa ka jingpynsawa kaba la long palat bad kane ka pynkheiñ ïa ki kyndon jong ka NGT katkum ka Noise Pollution (Regulations and Control) Rules.
Katkum ka bor kaba la pynkup ha u ha ka Noise Pollution (Regulations and Control) Rules, 2000, kumta la khang ban pyndon kam ïa ki tyndong jingpynsawa kiba pynmih ïa ka sur kaba jam bad la khang pyrshah ba kin tem ha GS Road bad ki jaka ïaid ha ki ïew bad la ai jingmut ban pyndon kam ïa ki jingtem byn pyndonkam bor jong ka light bad dei ban wat ka jaka ba kin tem na ka bynta jong ki lada don.
