Mairang Nailur 11: Na ka bynta ban bud ryntih ïa ki kyndon ba la bthah da ka sorkar ka kong Anita Kharpor IAS Deputy Commssioner Eatern West Khasi Hills ka la bthah bad pyntip sha baroh ki nongshong shnong kiba buh kali bad ki nongñiah kali kiba la register hapoh ka jylla Meghalaya ba ki dei ban pyndait da ki High Security Registration Plate ha ki kali jong ki. Katei ka jing bthah ka long na ka bynta ban pyntrei kam ïa ka hukum kaba 50 jong ka Central Motor Vehicle Rules 1989.
Ha kajuh ka por ka la pyntip ba baroh ki kali ki dei ban pyndait da ki HSRP bad na khmat bad nadien. Hakajuh ka por ka la bthah ruh ba na ka bynta ban pyndait ïa ki HSRP ha ki kali kiba la register bad kiba la shna ha shuwa ka 1. 4. 2019 yn buh kali bad ki dealer kiba la ithuh bad ïoh jingbit na ki bor ba halor.
La bthah ruh ba kino kino ki trai kali ne ki nongñiah kiba ïa kynduh kino kino ki jingeh ban ïoh bad pyndait ïa ki High Security Registration Plate ki l;ah ban leit mih sha ka ophis jong u District Trasport Officer ka Estern West Khasi Hills na ka bynta ba kin ïoh jingïarap ha ka ban leh ïa kaba don kam.
Lada lap ïa kino kino kiba pynkheiñ ïa katei ka jingbtah yn pynshitom da kaba tyngeh katkum ki aiñ pynïaid kali 1988.
