Nongpoh, Nailur 11: Kawei ka trok ka la rat ïa ar tylli ki kali kiba la pynieng harud jong ka surok bah Shillong By-Pass ha ka thaiñ Umroi mynta ka sngi, katba ki dang ieng dihsha.
Katkum ka jingtip ba la ioh lum la ong ba katei ka jingjia kala jia haka por kumba 11 baje eiei ha kaba katei ka trok kaba don ïa u number NL 01 AH 6742 ka dang wan naki thaiñ Jowai bad thmu ban hiar sha ki thaiñ Guwahati hynrei ynda poi ha Umroi Madan katei ka trok namar ka jingstad kala rat beit ïa ar tylli ki kali ba kynthup Ïa kawei ka Bolero bad kawei ka Duster kiba la pynieng harud surok namar ki briew ki dang mih ban dihsha haduh ba ki kali kila julor.
Ha kane ka jingjia u nongñiah ka kali duster u la mynsaw bad donbok hapoh ka Bolero pat ym don briew ha katei ka por ba shah tynrah.
Naka liang ki pulit kila poi mar mar sha katei ka jaka ban pynlong ka jingtohkit bad ban lap ïaka daw tynrai jong kane ka jingjia.
