Lyngba ka MFC khmih lynti ka sorkar ban kyntiew ïa ki samla kiba kwah ban kyntiew ïa la ki sap lajong

Shillong, Nailur 08: Ka Block-Level Chief Minister’s Youth Engagement Programme 2026 kaba la pynlong ha Zikzak Multi-Facility Centre (MFC) Building ha kaba ka la ai kyrteng da ka “Young Meghalaya, Shaping Tomorrow.”
Ïa katei ka prokram kaba la pynïaid da ka District Sports Office, South West Garo Hills, Ampati, la don ki katto katne ki samla na kylleng Zikzak C&RD Block bad la ai ïa ki da ka rynsan ba kin ïashim bynta, ïadei kam, pyni la ki sap jong ki bad ban wad ïa ki lad ban nang san ïalade bad ban pynroi ïa ka shnong ka thaw.
Kane ka prokram ka don ïa bun ki jingpyni jinghikai kaba thmu ban pynshlur ïa ki nongïalam, ki sap ki phong, ka jingïatreilang, jingïashim bynta bad ka mynsiem jong ka jingïakop kaba khlaiñ hapdeng ki samla.
Kane ka jingthmu ka long kum shi bynta jong ka prokram ki samla ba la pynlong da u Myntri Rangbah, kaba pynlong ïa ki samla ka jylla Meghalaya ba kin ïoh ka lad ka kabu ban pynpaw la ki sap jong ki, pynneh pynsah ïa ka jingïoh jinghikai jong ki bad noh synniang sha ki kam pynroi jong ka jylla.