Nongpoh, Nailur 08: Ka jingïalap “Mera Resham Mera Abhimaan (MRMA) 2.0” la pynlong ha kylleng ka Ri-Bhoi District ban kyntiew ïa ki rukom trei katkum ka saïan bad kiba neh slem ha kaba ïadei bad ka rukom ri ïa u khñiang Ryndia bad Muga, da ka jingthmu ban pynkhlaiñ ïa ka ioh ka kot jong ki nongrep bad ki nongri khñiang.
Ïa kane ka campaign la pynïaid da u Dr. Ramesh M. Maradi, Scientist-B, CSB-REC Shillong, ha jingïatreilang bad Kong R. B. Lyngwa, Deputy Director ka Sericulture ka tnad Textiles, ka jylla Meghalaya. La pynlong ruh khyndai tylli ki prokram naduh ka 22 tarik Naitung haduh ka 2 tarik Nailur 2026.
Ha baroh ki prokram, 344 ngut ki nongrep, kynthup 315 ngut ki kynthei, ki la shim bynta. Ki prokram ki kynthup ïa ki jinghikai bad jingïalang halor ka jingthung ïa ki dieng ban ai bam ïaki khñiang Ryndia bad Muga, ka rukom ri khñiang kaba thymmai, ka ka rukom rep kaba khlem dawai, ka jingïada na ki khñiang bad jingpang, bad kiwei kiwei ki rukom kumno ban pynkiew ïa ka jingmih.
Lyngba ka MRMA 2.0 naka liang ka tnad kala angnud ban pynkhlaiñ ïa ka jingïadei hapdeng ki stad saïan bad ki nongrep, da kaba pynpoi ïa ki teknoloji ba thymmai sha ki nongrep bad kyntiew ïa ka jingïoh bad ka rukom pynmih ïa u khñiang ryndia bad muga na kaba ki ju ri.
