Shillong, Nailur 08: Ka ophis District jong ka East Khasi Hills la pyntip ba ka jingpynrung kyrteng ïa ka Aadhaar bad ka jingshon dur (biometric capture) la pynlong ha baroh ki Block bad ki shnong kiba la jied kyrpang jong ka East Khasi Hills District na ka bynta jong kine ki 90 sngi ban wan, da ka jingthmu ban kyntiew ïa ka jingpynrung kyrteng Aadhaar ha ka district.
Ha kine ki sngi ba pynlong ïa ka jingpynrung kyrteng, yn shim ïa ki Aadhaar Seeding na ka bynta kiba bun ki government scheme bad ki kam shakri kum ka MGNREGA (100-days wage employment scheme), MHIS (financial assistance for medical treatment and medicines), NFSA (ration, food grains), ka banking, ka scholarship (student benefits), NSAP (old age pension), LPG connection (to avail LPG/gas connection), mobile connection (to obtain SIM cards) bad kiwei pat ki scheme bad ki lad jingshakri.
Na ka liang jong u Deputy Commissioner, East Khasi Hills District, u la pynshlur ïa baroh ki nongshong shnong ba kin pynrung kyrteng Aadhaar, bad ba kidei ban update ïa ki mobile number ba pynïasoh bad Aadhaar, kat kaba donkam. Ki nongshong shnong ki lah ban ïoh kine ki lad na office jong Deputy Commissioner, Shillong, ki ophis Block Development Officer ne Aadhaar camps ki ban pynlong ha Offices Block Development Officer ha ka jingïatreilang jong ki tnat bapher bapher jong ka sorkar.
