Poi palat 200 ngut ki nongïalehkai na ki 12 tylli ki skul ha ka 7th SWKHD Inter-School Badminton C’ship 2026

Mawkyrwat, Naitung 29: Ka South West Khasi Hills District Badminton Association (SWKHDBA) hynne ka sngi ka la ïoh ban plie pyrda ïa ka lympung ïalehkai badminton kaba la tip kum ka 7th South West Khasi Hills District Inter-School Badminton Championship 2026 ba la pynlong hapoh ka Mawlangwir Indoor Stadium, South West Khasi Hills District.
Ha kane ka 7th South West Khasi Hills District Inter-School Badminton Championship 2026 kaba lai sngi kata naduh ka 29 haduh 31 tarik u Naitung, 2026 ki nongïashimbynta ki don baroh 200 ngut ei ei na ki 12 tylli ki skul kaba kynthup ïa ki khynnah shynrang bad kynthei ha ka kyrdan ïalehkai Under-12, Under-14, Under-16 bad Under-18.
Ïa kane ka 7th South West Khasi Hills District Inter-School Badminton Championship 2026 la wan ban plie pyrda da u bah Carnes Sohshang, Co-Chairman jong ka Meghalaya State Development Reforms Commission (MSDRC) hapoh ka Sorkar Meghalaya uba la long kum u kongsan.
Kiba ïadonlang ha kane ka sngi ki long naduh u bah H.S. Diengdoh, President ka South West Khasi Hills District Badminton Association, ki nongïashimbynta na ki skul bapher bapher, ki nonghikai ha ryngkat ki nongkitkam jong ka South West Khasi Hills District Badminton Association (SWKHDBA).