Nongpoh, Naitung 24: Ki pulit ka Ri-Bhoi kila thwet ïa saw ngut ki samla ba suba donkti pyniap ïa u rangbah haka shnong Raja Bagan haka thaiñ Byrnihat.
Katkum ka jingtip bala ioh lum la ong ba kane ka jingjia ka la jia ha ka 31 tarik Jymmang 2026 ha kaba naka liang ki pulit ka Ri-Bhoi kila ioh jingtip ba uwei u briew u la shah shoh ha Raja Bagan ha Byrnihat bad tang hadien ka jingioh jingtip ki pulit mar mar kila leit sha katei ka jaka bad lap ïa uwei u briew u ba la thiah lyngktar harud surok bad mar mar la pynkit ïa u sha jaka sumar hynrei ki doctor kila pynbna ba u la khlad noh.
Utei u rangbah uba la khlad noh u dei u ba la tip kyrteng kum u Puskaki Gurung na Kamrup (M) District jong ka jylla Assam.
Na ka liang ki pulit ka Ri-Bhoi kila register case halor kane ka jingjia ha Byrnihat Police Station bad pynlong ka jingthwet ïa saw ngut ki suba ba donkti ha katei ka kam.
Kitei ki 4 ngut ki suba ki dei kiba la tip kyrteng kum u Chitro Sangma (20), Nipul Sangma (20), Tobias Marak (21) bad u Chigrin Momin (21) baroh kidei naka shnong Dehal Bagan, Byrnihat, bad haduh mynta ym shym la ioh jingtip shuh shano kitei ki 4 ngut ki samla ki don bad la kyrpad ruh ba kino kino kiba iohi ïa kitei ki samla ba kin pyntip sha Police Control Room ha u number 9856084514.
