Nongpoh, Naitung 21: Na ka jak aba pynieng ïa kawei ka Kali Eco bad kaba la pynlyngngoh ruh ïa ki trai Kali, ki runar dang step phyrngap ki la ioh lad ban rung tuh ïa kawei ka Kali Eco na ka jak aba ki trai ki pynieng harud surok ha Nongpoh.
Kane ka jingjia ka la jia ha ka step pyrngap jong ka 19 tarik u Naitung 2022, ha kaba katkum ka khubor ba la ioh lum, ki runar kiba ym lah ban tip ki la wan ban rong tuh noh ïa katei ka Kali Eco kaba la pynieng harud ka surok.
Kane ka Kali Eco kaba la shah rong tuh ha ki runar ka dei kaba don ïa u number AS 01 AK – 9545 bad kaba dei trai da u Haran Bora na Assam.
Kumba la ioh lum jingtip, la ong ba kane ka Kali ka dei na Assam ha kaba u Haran Boro ryngkat bad ki khun ki kti ki la shu wan kai sha ka ïing jong kiba haïing ha Nongpoh bad khlem poi pyrkhat pat katei ka Kali kaba ki pynieng harud surok dang step phyrngap ka la shah rong tuh noh ha ki runar.
Halor kane ka jingjia, na ka liang u Haran Boro u la dep ban ujor da ejehar ha Nongpoh Police Station ban buddien ïa kitei ki runar bad kat haduh kine ki sngi ym pat lap dien shano ki runar ki la rong tuh noh ïa ka Kali bad katkum ka CCTV Footage ha Toll Plaza la lap ba katei ka Kali ka la hiar sha Guwahati ha ka por 4 baje ei ei mynstep ha kaba haduh mynta ki bor pulit ki dang buddien ban ioh kem ïa ki runar kiba don kti ban rong tuh ïa kane ka Kali Eco.