Tura, Jylliew 7: Ha ka sienjam kaba thmu ban pynshlur ïa ka jingïashim bynta kaba kham bun jong ki samla jong ka thaiñ shatei lammihngi ha ki kam India’s civil services, ka Garo Students’ Union (GSU), ha ka jingïatreilang bad ka North East Students’ Organisation (NESO), ka la pynlong ïa ki interview ha ka sngi Thohdieng ban jied ïa ki candidate na ka bynta ka prokram ai coaching jong ka UPSC ha Tura.
Ïa ki interview la pynlong ha Don Bosco College (Higher Secondary Section), Tura, ha kaba la don lang u Assistant Secretary General ka NESO u Manseng A. Sangma. Ka kynhun jied briew ne ka selection panel kaba la thaw da ka GSU ka la pynlong ïa ka jingkhmih bniah hapoh ka jingpyniaid jong u.
Kane ka jingthmu ka dei shi bynta jong ki jingpyrshang kiba dang ïaid shakhmat ban wad bad kyrshan ïa ki kyrtong kiba don jingkyrmen na ka thaiñ kiba kwah ban rung sha ki kam civil services lyngba ka eksamin jong ka Union Public Service Commission (UPSC).
Haba kren ha kane ka prokram, ki nongmihkhmat jong ka NESO ki la pynpaw biang ïa ka jingangnud jong ka seng ban pynïar ïa ki lad jingpule bad ban thaw ïa ki lad ki lynti na ka bynta ki samla na ka thaiñ Shatei Lammihngi ban pynïaid sha khmat ha ka kam shakri paidbah bad ka jingsynshar (public service and administration).
Ki nongpyniaid ki la ong ba kum kine ki jingthmu kim dei tang ban ai jingkyrshan ïa ki jinghikai hynrei ban pynshlur ruh ïa ka jingmihkhmat kaba kham bun jong ki jaidbynriew jong ka thain shatei lammihngi ha ki kam civil services, ha kaba ki kyrtong na ki jaka ba jngai bad ki jaka ba duna ka jingshakri bunsien ki ïakynduh jingeh ha kaba ioh ïa ka jinghikai bad jinghikai kaba bha.
Ka jingpyndep ïa ka rukom pyniaid interview ka pyni sa kawei pat ka sienjam ha ka jingpyrshang ban pynroi ïa ki nongpyniaid, ki nongthaw polisi bad ki nongialam na ka thain ha ka lawei.
Ki nongpynïaid ki la ai khublei ruh ïa ka jingkyrshan ba la ai da ka Don Bosco College (Higher Secondary Section), Tura, kaba la pynlong ïa kane ka prokram bad kaba la pynsuk ïa ka rukom jied ïa ki samla pule.
