Jowai, Jymmang 19: Ka ophis jong u District Sports officer (DSO), West Jaiñtia Hills District, Jowai kumba ju long manla u snem mynta shen kan sa pynlong biang ïa ka District Level Inter School Subroto Mukherjee Cup Football Tournament, 2026.
Ïa kane ka Tournament yn sa pynlong haka taïew balai jong u bnai Jylliew (June) na ka bynta ki Under-15 bad Under 17 ïa ki shynrang bad kynthei. Ïa kane ka Tournament yn pynlong ha Wahiajer Multi Sports Complex, Wahiajer, West Jaiñtia Hills District.
Ïa ki Form ban pynrung kyrteng lah ban ïoh na ka ophis treikam jong u DSO, West Jaiñtia Hills. Kino kino ki skul kiba don jingmut ban ïashim bynta ha kane ka Tournament ki lah ban phah ïa ka kyrteng jong ki Player ryngkat ki dur shiteng (passport size), kumjuh ki xerox copy jong ka Aadhaar Card bad ka Birth Certificate hapoh ka 5-6-2026 ha ki por long trei.
Kan sa don ka jingïakynduhlang jong baroh ki skul kiba ïashim bynta ha ka 5-6-2026 ha ka por 1:00 PM ha Kiang Nangbah Indoor Stadium, Jowai. Ka screening ïa ki player kan long haka 9-6-2026 naduh ka por 9:00 AM shaneng.
Yn shah tang 20 ngut ki player na kawei kawei ka thup ban wan sha ka screening, ha kaba ki hap ban wan rah lang ïa ki original Aadhaar Card, ki Birth Certificate bad ki Permanent Education Number (PEN). Ki nongpynïaid kin ym pdiang ïa ki player ki bym wan rah lang ïa kine ki original document jong ki.
Na ka bynta ka jingtip ba kham bniah lah ban phone ha kine ki number: 9402310523 / 9774407962.
