Shillong, Jymmang 11: Ki pulit ki la ïathuh ba u Roshan Kumar u la phah ka jingujor ba ha ka 7 tarik mynta u bnai hapdeng ka por 7 baje mynmiet bad ha ka por 10 baje mynmiet, ki runar bym lah ban ithuh ki la tuh ïa ka thuk thuk jong u kaba don u nombar ML-05AC-7582 na Kench’s Trace, Shillong.
Shuh shuh u Asadul Islam na Zik Zak Road, Rilbong, Shillong bad arngut kiwei pat ki la ujor lang ba ha ka step jong ka 7 tarik mynta u bnai, ki runar bym lah ban ithuh ki la tuh ïa ki mobile phone jong ki napoh ka jaka ba dang shna jingshna.
Nangta 2 ngut ki rangbah kiba na ka thaiñ West Jaiñtia Hills ki la ujor lang ba u bnai Nailur, 2025, uwei u rangbah ba la 21 snem ka rta, u la thok ïa ki ka pisa T.1.4 lak bad T. 1.6 lakh, da kaba kular ïa ki ban pynïoh kam ha Delhi.
