Shillong, Jymmang 11: Ka khubor ba la ïoh na ki pulit la ïathuh ba u Liubath R Marak na ka shnong Daljagre (WGH) u la phah ka jingujor ba uwei u Sillen M Marak u la shim kylliang ka pisa T. 89,660/- na u bad u la ai pat ïa ka thuk thuk jong u sha uba ujor, kum ka jingïasngewthuh jingmut, bad da kaba kular ban siew biang ha ka 29 tarik u Nailar, 2024. Hynrei utei u Sillen M Marak u la khlem lah ban siew ïa katei ka pisa ba la shim kylliang bad u la shim noh pat ïa katei ka thuk thuk khlem ka jingmynjur jong uba la ujor.
