Shillong, Jymmang 10: U MLA barim ka Mawlai Constituency, Bah PT Sawkmie, u la pynhap pyrda noh ïa ka lympung lehkai jong ka 19th Lawei Ka Ri Open Carrom Championship, 2026 ha ka sngi Saitjain ka 09 tarik u Jymmang, 2026.
ïa kane ka lympung la pynïaid da ka Lawei ka Ri Sports Social and Cultural Club bad la pynlong ïa ka ha Indoor Sports Hall ha Mawlai Mawdatbaki bad ka la sdang naduh ka 05 tarik mynta u Jymmang, 2026.
Haba ai jingkren kum u kongsan, u Bah PT Sawkmie ula ong ba mynta ym ju kham ïohsngew shuh ban pynlong ïa ka Football Tournament, ka Cricket, ka chess bad kiwei kiwei hapoh Mawlai Constituency.
Kumta u la ai khublei ïa ki nongpynïaid kumjuh ïa kiba ïashim bynta, kaba u la ong khlem ma ki kane ka jingïakob kan ym long kaba jop. Haba kut jong ka jingïalang u bah Sawkmie u la sam ïa ki khusnam sha ki nongjop ha ka jingdon ryngkat u President ka Lawei ka Ri u bah G. Lymba secretary bah A. Khyriem, u nongai buit bah S. Lyngdoh bad kiwei kiwei.
Haba phai sha ka jingïakhun, ha ka Boys Single la iohrah da u Nicholas Kharjana bad la wan baar da u Meban Marwein. Ha ka Veteran Single la wan nyngkong u Bunlang War bad la wan baar da u Albinus Lyngdoh. Ha ka Women’s Single la wan nyngkong da ka kong F. Nongkynrih bad la wan baar da ka Bada Dohling. Ha ka Men’s Single la wan da u Bitu Sarkar bad la wan baar da u K. Lyngdoh.
Ha ka Men’s Double la iohrah da S. Syiem bad Bitu Sarkar bad la wan baar da P. Ginuid bad Teibor Marbaniang. Ha ka Mixed Double la iohrah da ka Eva Iawphniaw bad Albinus Lyngdoh bad la wan baar da Bada Dohling bad Justice Kharkongor.
Ha ka jingïakhun jong ki kynhun la iohrah da ka Amar Akbar Anthony bad la wan baar da ka Ryntihlang.
