Shillong, Jymmang 9: Haba kyntait ïa ka jingkynnoh ba leh torti ba shna ïa ka tnum jong ka ïing dorbar thaw ain ka jylla ha Mawdiangdiang, u Project Management Consultant u Sumit Roy ha ka sngi Thohdieng u la ong ba ka hadien ka jingpynkhuid la lap ba ki don ki bynta ki bym khuid bha ha ka tnum jong building ba thymmai jong ka Assembly la weng noh ia ki bad tang hapoh shi kynta lah dep
U Roy u dei u ba peit ïa kane ka projek u la ong ba kane ka jingtei ka dang don ha final stage ka kyrdan kaba khatduh.
“Mynta, kane ka projek ka la don ha ka kyrdan kaba khatduh bad mynta hi ka bynta ban pynkhuid kum ha ki jingkhang bad baroh ki dang ïaid shakhmat ha kane ka jaka,” u la ong.
Halor ki khubor ba ka tnum jong ka ïing ka la “hap,” u la pynshai, “Ha kaba ïadei bad kane ka tnum jong ka terrace, ka tin ka bit jakhlia bad ka jingpynkhuid kam shym la leh bha, kumta ngi la ai jingmut ïa u kontraktor ba un sngewbha ban bujli ïa ka da ka tin ne ki jingtap kaba thymmai.”
Shuh shuh u la bynrap ruh ba ka kam ban bujli ka la dep ban sdang.
“Ar sngi shwa, ki la sdang ïa ka kam bad mynta ka sngi kin pyndep tang shi kynta bad kyrmen ba kane kan urlong”, la ong u Roy.
“Kane ka projek ka dei kaba heh bha”, u la bynrap.
