Nongstoiñ, Jymmang 06: Ka West Khasi Hills District Yogasana Sports Association (WKHDYSA), ka kyrmen ban sei shibun ki khun samla donsap na kane ka thaiñ, wat la ka sport ka dang long kaba tynmai lada ïa nujor bad kiwei kiwei.
Na ka liang ka synjuk ka la rai kut ban sdang ban trei shitom ban wanrah u soh ka jingkyrmen lyngba ki sap kaba ki samla ki don bad ruh ban ïoh ban sei ki nongïalehkai kiba tbit na kane ka thaiñ. Kyrmen ruh ba yn lah ban shimbynta ha ka National Game ka ban sah pynlong hapoh ka Jylla”, ong u President bah Banshanlang Syiemlieh.
Ïa kane u la pynpaw ha ka sngi ba la pynskhem ïa ki nongkitkam jong ka synjuk ha Nongstoiñ, ha kaba ki nongkitkam ki long President Banshanlang Syiemlieh, Vice President Batjuban Hoojon, Secretary Bhaboklang Marweiñ bad kiwei kiwei dei ki nongkitkam.
