Pynshai paidbah ban pynlong noh ïa ka ktien Khasi kum ka ktien sorkar

Hiar ki nongïalam ka KAS sha Mawkyrwat

0

Mawkyrwat, Ïaïong 16: Ka Khasi Author Society (KAS) jong ka Shnat Mawkyrwat ha ryngkat ka jingïatreilang bad ka Khasi Author Society Central Body mynta ka sngi ka 16 tarik u Ïaïong 2026 ki la hiar sha Mawkyrwat ban pynlong ïa ka jingïalang pynshai paidbah halor ka jingdawa jong ki ban pynlong ktien sorkar noh lane pynlong noh kum ka Official Language ïa ka ktien Khasi hapoh ka Jylla Meghalaya ha kaba ïa ka jingïalang paidbah la pynlong ha Ïew Mawkyrwat, South West Khasi Hills District.
Ha kane ka jingïalang, la ïashimbynta shitrhem da ki sengbhalang bapher bapher kiba don hapoh ka distrik ba kynthup ïa ka FKJGP, KSU, HYC, HANM bad HITO, ki dkhot jong ka KAS Shnat Mawkyrwat, ryngkat ki samla pule ryngkat ka jingkyrshanlang ki paidbah halor ka jingdawa sha ka Sorkar ban ithuh noh ïa ka ktien Khasi kum ka ktien Sorkar ha ka jylla Meghalaya bad ban pynrung noh ïa ka hapoh ka Khyrnit kaba Phra jong ka Riti Synshar ka ri India.
U Prof. D.R.L. Nonglait uba dei u President ka KAS Sengkmie haba kren ha kane ka jingïalang u la ai por ïa ka Sorkar jylla ba kan shimkhia halor kane ka jingdawa bad ban pynurlong noh hapoh u Ïaïong, 2026 ïa ka jingpynrung ïa ka ktien Khasi kum ka ktien Sorkar. U la ong ruh ba ki nongmihkhmat paidbah ki la kum klet noh ïa ka ktien Khasi watla ka KAS ka la ïai dawa naduh ki snem ba la leit ban ithuh ïa ka kum ka ktien Sorkar.
U Dr. D.R.L. Nonglait uba dei u President jong ka KAS Central Body haba kren ha ka jingïalang u la ong ba halor katei ka mat u la ong ba lada ka sorkar ka mon kam don jingeh satia ban pynlong ktien sorkar ïa ka ktien Khasi namar katei ka mat kaba donkam haduh katta katta hynrei na ka sorkar jylla kam shym la shimkhia ban pynlong ïa ka ktien Khasi kum ka ktien sorkar.
Namarkata, ha ka jingkren jong u, u la ai por ïa ka Sorkar jylla ba kan shimkhia halor kane ka jingdawa bad ban pynurlong noh hapoh u Ïaïong, 2026 ïa ka jingpynrung ïa ka ktien Khasi kum ka ktien Sorkar. U la ong ruh ba ki nongmihkhmat paidbah ki la kum klet noh ïa ka ktien Khasi watla ka KAS ka la ïai dawa naduh ki snem ba la leit ban ithuh ïa ka kum ka ktien Sorkar.
“Balei ki paidbah ki dang pyndonkam ïa ki ktien nongwei kiba duna ha ka riti bad ka kolshor, haba ka ktien Khasi ka long ka ktien kaba riewspah bad kaba don ka jingïar ka jingmut jingpyrkhat’? ong u Dr. Nonglait.
Ym tangkata u la ong shuh shuh ba katei ka mat jingdawa kam dei satia ka mat tang na ka bynta jongno re hynrei ka dei ka mat ba ka jaitbynriew ka donkam eh, kumta ka long kaba dei ba ki paidbah, ki sengbhalang, ki seng saiñ pyrthei ba kin ïa snoh kti lang bad ka seng na ka bynta ban pynurlongïa katei ka jingdawa.
Ka jingïalang ka la kut da ka jingkular ban ïai bteng ïa ka jingïakhih paidbah haduh ba ka jingdawa kan urlong.
Kiwei de ki nongkren ha kane ka sngi ki kynthup ïa u Dr. K.D. Ramsiej, Vice President ka KAS Sengkmie, u Bah P. Wanniang, Assistant Secretary ka KAS Shnat Mawkyrwat, kumjuh ruh ki nongïalam jong ki sengbhalang bapher bapher ha ka distrik.

Leave A Reply

Your email address will not be published.